برنامج الجامعة المصغرة

موهبتي صناعة الأفلام

لولا هاشتات كنت رح اكون مثل اي شخص بفوت عالجامعة وهو مش عارف اشي عن التخصصات وغالبا رح يفوت تخصص هو مش حابه، شكرا هاشتات لانه عرفت شو هي موهبتي "صناعة الافلام" وشكرا كتير على الايام الحلوة يلي قضيتها معكم و لسا رح اقضيها لأنه قصتنا لسا ما خلصت. ❤

هل أدرس مثل والدي؟

سمعت عن هاشتات ورحت اجرب التخصصات وسجلت ببرنامج الجامعة المصغرة لحتى عنجد اقدر اقرر شو التخصص المناسب والاقي حالي فيه! جربت تخصص الطب البشري وكان اشي ممل، بالوقت يلي غيري كانوا كثير مستمتعين فيه، وجربت الهندسة المدنية وكمان ما حبيتها وما شفت حالي فيها أبداً، لحتى جربت تخصص الهندسة الصناعية كتير عجبني ولقيت حالي فيه خصوصاً مع ميولي وقدرتي وشخصيتي. ما كنت بعرف لو ما دخلت برنامج الجامعة المصغرة كيف كنت رح اعرف انه هاد التخصص يلي بدي ادرسه وأكمل حياتي فيه.

كيف أربط بين موهبتي والتخصص الجامعي؟

لما كنت بالصف رابع كنت عم بفكر أنا شو بحب مواد دراسية وشو موهبتي، واتذكرت انو كتير ناس بمحيطي ضيعو موهبتهم بتخصصهم، أنا بحب الرياضيات وموهبتي الرسم وبحب الفنون. سألت اهلي شو في تخصص بيجمعهم سوا، وكان الجواب “هندسة العمارة”. لتطلع أحلى صدفة بهديك الأيام وهي هاشتات؛ من هون بلشت مشواري بهالتخصص.. أخدت عدة دورات ضمن برنامج التعلم عبر المشاريع في تخصص هندسة العمارة وبنفس الوقت ورشات بتخصصات مقاربة ومرتبطة فيه مثل “الهندسة المدنية، التصميم الداخلي وقرأت بعلم النفس” هاشتات أعطتني فرصة اني أكتشف نفسي، اعطتني مفتاح فتحلي أبواب كتير كبيرة بحياتي رغم صغر عمري.”

التجربة العملية خير برهان

انا كتير مبسوطة اني خوضت هالتجربة، لانو لولا هاشتات ما كان عرفت انو تخصص العمارة مش التخصص الأنسب لشخصيتي. بهاشتات تعرفت على كتيير ناس بجننو والتجربة كتير حلوة.

كيف تحولت الحيرة الى فرصة لاكتشاف ميولي

لما سمعت عن برنامج الجامعة المصغرة بهاشتات حسيت كثير رح يفيدني؛ وفعلاً البرنامج مش بس عرفني على التخصصات الموجودة في حياتنا، وكمان خلاني اكتشف ميولي. و حتى لو لسا ما حددت تخصص واحد، بس قدرت اميز بين التخصصات و قدرت الغي خيارات ما بتناسبني كنت مفكرة حالي حاببتها. بحب اشكر هاشتات لانها اعطتني هاي الفرصة لتساعدني و لتساعد غيري اللي واقعين بنفس الحيرة.

End of content

No more pages to load